I-League: Bengaluru FC-i Lajong 3-0 akok, East Bengal, Aizawl FC 1-1

January, 08, 2017 (Agencies): Yaküm I-League akoker telok Bengaluru FC-i Honibarnü Kanteerava Stadium, Bengaluru nung taküm asoshi asaya Shillong Lajong goal 3 agi koka tenzükogo.
Minute 26 buba nung Udanta Singh-i goal agüja parnok tejaklen sür iba asaya tenzük, maneni ano minute 68 buba nung tanabuba goal paisa agütsü.
Bengaluru nungi asayasang Sena Ralte-i minute 89 buba nung goal tasembuba agüja parnoki iba asaya ayong ayonga akok. Lajong ayartemi kecha telangzüba magütsüteti iba asaya tembanga liasü.
Honibarnü mezüngbuba asaya nung substitute Ivan Bukenya asaya tatemtsü lia minute 89 buba nung goal agüja Aizawl FC den gola kasasa aküm.
Asaya tesadang matongdang Gurwinder Singh-i par tsütsü goal idaktsüba, ajisüaka parnok tia ka-a Aizawl asayartemi metsüba ball crossbar nung ondakba ajanga goal mai aser asaya 1-1 nung tembang. Asaya goal kasasa nung tembangba ajanga telok anaprongla point kaka angu.