Cristiano Ronaldo-i 2016 FIFA Award angutsü akok

Paris, January 8 (Agencies) : Portugal aser Real Madrid atema asayar Cristiano Ronaldo-i 2016 Best FIFA Men’s Player award angutsü akok ta osang angazüker.
Arishi küm 31 tain Ronaldo-i yaküm Ballon d’Or award nguogo aser asüng Zurich nung agiba sentong nung pai Lionel Messi ajangteter FIFA sempet agizüktsü akok ta osang ka ajanga ashi.
Portugal-i Euro asayamung akokba aser Real Madrid-i UEFA Champions League takok marok anguba nung Ronaldo-i tongti shilem agia liasü.
Real Madrid manager Zinedine Zidane-a coach tajungtiba telemsa nung züngsema lir aser pai iba takokji ngura Real Madrid atema takok tulu asütsü.
Yaküm FIFA-i magazine France Football den Ballon d’Or award atema küm trok tenangzüktep tembanga liasü aser taküm nungi parnoki “Best” distinction ta ser tenzüktsü.
Germany kübok Zurich yimti nung agitsü aliba sentongji US actress Eva Longoria aser German broadcast host Marco Schreyl nati yaritepa lenitsü.
2016 Best FIFA Men’s Player Award telemsa nung Ronaldo aser Lionel Messi na den Atletico Madrid asayar Antoine Griezmann züngsema lir.