MDFA-i U-15 atema angati football coaching katsütsü

Mokokchung, Jan. 10 (TYO): Jan. 14 nungi 28 tashi arishi küm 15 tekübok alirtem atema sempet bushiba aser angati football sayuba sentong ka Mokokchung yim football ground nung ayongzüka lir, ta tanü Mokokchung District Football Association (MDFA) osang ka ajanga metetdaktsü.
Anungji, iba sentong nung dennürtemi Jan. 14, 2017 nüji nikongdang 2:00 ako shitak nung pei tasoba kuli kaket (Birth Certificate) Xerox copy kaka ground-i bener arutsü asoshi MDFA ketdangsürtemisa metetdaktsü.
Kari danga iba dak sendakba nung osang tejangja metetnüra iba mobile number 9856699423/9856890504 nung tongteprateptsü akok, ta kasa osang nungsa metetdaktsü.