Lenovo-i 5,100mAh battery aketba P2 smart phone sen 16,999 alang sayaogo

New Delhi, January 11 (Agencies): Bodhbarnü Chinese company Lenovo-i P2 smartphone sen 16,999 alang sayaogo. Iba ya taküm asoshi smartphone sayaba rongnung tulutiba asütsü südi. Iba phone nung 5,100mAh battery tena lir.
Iba phone ya tapu ana lir; 3GB/32GB aser 4GB/32GB. P2 phone ya January 11 ayaterm nungi Flipkart nung ayok tenzüktsü.
“Onoki 2017 küm Lenovo P2 sayaa tenzüker. Iba phone indang battery ya kanga talangka amshiteter aser karakara charge süzüker,” ta Sudhin Mathur, Executive Director, Lenovo Mobile Business Group India-i ashi.
Iba phone nung 64-bit Qualcomm Snapdragon 625 2.0GHz octa-core processor aser 4GB Ram inoka lir. Phone ya 5.5-inch den HD Super AMOLED display keta lir, aser minute 15 nung gonad 10 amshitettsüsa charge süteter.
Lenovo P2 nung maneni TheaterMax technology tena lir, koba ajanga dang aliba media aser asayatem graphics meraksai tuluba kümdaktsür. surround sound aser 3D gameplay tema tena lir.