MobiKwik ajanga gas, petrol aliba taa magitsü

New Delhi, January 10 (Agencies): Demonetisation sülen digital payment ajanga shishilembaba nung kanga renloka oaka, MobiKwik ajanga petrol pump aser LPG gas aliba nung taa magitsü, ta shia liasü.
Iba MobiKwik indang sentong ya Delhi-NCR, Mumbai, Hyderabad, Ahmedabad, Vijaywada, Pune aser Indore yimtitem nung Indian Oil, Hindustan Petroleum aser Bharat Petroleum totzü ayokdak angutsü.
Iba company ajanga Indane, Bharat Gas aser HP intang LPG ayokba tesem nung iba sentong agütsütsü.
“India nung demonetisation sülen digital payments amshitsü tenzüka aruba kanga junga asadanga arudagi aser iba sentong nung nüburtemi kanga junga anitaktar,” ta MobiKwik co-founder, Upasana Taku ajanga metetdaktsü.
Petrol pump aser LPG aliba nung MobiKwik ajanga sen taa magibayong nüburtem kanga ajangzüktsü aser digital payments amshitsü tali ajungshitsü, ta laisa maneni metetdaktsü.