Pad Man nung shilem agitsü asoshi kanga pelar: Sonam Kapoor

Mumbai, January 11(Agencies): R Balki ajanga direct asüna film ‘Pad Man’ nung shilem agitsü asoshi actress Sonam Kapoor shima lir.
Twitter nung Sonam Kapoor-i iba osang metetdakja liasü.
“Iba project nung shilem agitsü atema kanga pelar aser kanga yongyar. R Balki, Akshay Kumar, Twinkle Khanna, Pad Man,” ta lai zülu.
Iba ya Akshay aser Sonam külemi shilem agiba film tanabuba alitsü.
Tena ya 2011 küm Anees Bazmee-i direct asüba “Thank You” film nunga külemi shilem agia liasü.
Pad Man ya Arunachalam Muruganantham indang taküm otsü lir aser iba film nung pai tetsürtem ita shilem aodang amshiba napkin jenjang talangba par yimtsüng nung yangluba otsü nungi agiteta yangluba lir.