Nagaland State Bharat Scouts aser Guides, 17buba National Jamboree nung shilem agi

January 12, 2017 (TYO): December 29, 2016 nungi January 4, 2017 tashi 17buba National Jamboree, Mysuru, Karnataka nung amungdang, Nagaland nungi Scouts aser Guides 76 den külemi Adult Leaders aser State Official tem state tenüng nung oa dena shilem agi.
Nagaland nungi aoba telok nung, Scouts aser Guides, Kohima, Dimapur, Wokha, Mokokchung, Kiphire aser Tuensang nungi Adult Leaders tem liasü. Parnoki tetoktepba item nung shilem agia liasü: Folk Dance, Pageant Show, Food Plaza, March pass, Colour party, State Gate, State Exhibition, Adventure Bases. Hauyang Choba BSG Pipe Band Tuensang nungi Nagaland tenüng nung Band Party tetoktepba nung shilem agi. Iba ya Nagaland Scouts aser Guides otsü nung aser North East tesem nungi National jenjang nung mezüngbuba Band Party tetoktepba nung shilem agiba lir.
Sentong acha ayangertem aser state nung shilem agirtemi state yimtibatem aser parnok tenüngeta yarirtem dang nübu aser sen agi parnok takok ngua shilem agitettsüsa yariba asoshi pelaba metetdaktsü.