Nagaland CM-i Sukrunye salem metetdaktsür

Dimapur, January 13 (TYO) : Nagaland Chief Minister, TR Zeliang-i Chakhesang nunger ajak den Sukrunye benjung salem lemsateper, ta Media Cell, Chief Minister’s Office sangdong ka nung metetdaktsü
Alu nung metsü yoktsü mapang tenzükba nung ajemdaker Chakhesang nungeri amungba benjung ajanga azükaru bener arujang ta moatsür, ta CMO sangdong nung shia lir.
Benjungtepba mapang ka dang masü saka benjung teratet angateta amungtsü imlar aser Chakhesang nunger ajak den tepela salem abener, ta CM-isa shisem.