NSACS-i National Youth Day 2017 ayongzüka mungogo

Dimapur, January 13 (TYO) : January 12, 2017 nü Nagaland State AIDS Control Society-i “Live Now: Yes Life , No HIV” omen nung National Youth Day mungogo.
Iba sentong ya Patkai Christian College, Dimapur nung tang tagidak special National Integration Camp nung ayongzüka agi aser sentong nung India kübok State aser Union Territory 29 nungi adenshia aliba NCC cadets 450 aden.
Sentong nung National Cadet Corps, Group Headquarter, Kohima, Brigadier Nikam-i tesentepertem pela agizük aser idangji Department-i lanurtem dang HIV & AIDS tesayuba agütsütsü atema mapa inyakba atema tenüngsang agütsü.
Joint Director (IEC), NSACS, Ms. Metevinuo Sakhrie-i okila jembidang, anogomung teratet metetdaktsü aser lai cadet tem dang linük renlokba nung shilem agitsü ayongzük.
Laisa, HIV & AIDS ya linük ajunga atema tayongzükba ka lir aser iba anogomung amungba ajanga HIV & AIDS indang temetettsütem angazüktsü maongka angur, ta ashi.
Iba sülen Asst. Director (Youth Affairs) Ainato Yetho-i HIV & AIDS indang temetettsü onük pezü metetdaktsü.
Pai, HIV testing, care support, treatment & facilities aser People Living with HIV yaritsü indang onüktem lemsatep.
Maneni, Asst. Director (VBD) Alipoker-i Voluntary Blood Donation indang onük jembi. Sentong nung mendenji Deputy Director (IEC), NSACS, Thejangunuo Theunuo liasü.
Tanü agiba sentong nung cadet 23-i HIV tendangtsü mulunga tendang aser cadet ajak nem IEC materials aser Red Ribbon badge agütsü.
Iba sentong ya Nagaland State AIDS Control Society, DH&FW aser National Cadet Corps, Group Headquarter, Kohima tem külemi ayongzüka agi.