NCD-i senden amentsü ayonger

Dimapur, January 13 (TYO) : January 16, 2016 nü Naga council Dimapur (NCD) rongdak councilor senden ka amentsü jateper, ta NCD General Secretary, Thsapongkyu Sangtam-i sangdong ka nung metetdaktsü.
Sendenji nikongdang 2:00 ako nung Naga Council Office N.L. Road nung agitsü aser Urban Local bodies election mokdangba onük jembitsü. Anungji, Naga Councilors ajak arua adentsü mepishir, ta NCD General Secretary-isa sangdong nung shia lir.
Ano, NCD-isa tanga sangdong ka nung, January 4, 2017 nü lokti tentettemi lemtetba ama Urban Local Body election atema tenüng agüja alirtemi tenüng meyipa agitsü atema tatembang anogoji January 15, 2017 nü asütsü latettsür, ta metetdaktsüogo.
Iba dak sendakba nung Dimapur nung aliba Kuki, Kachari, Rongmai, Phom aser Sangtam tribal union president temi, January 14, 2017 anüngdang 12:00 ako matongdang NCS Vice president, (Adm), K. Ghokheto Chophy den 9856213163 ajanga tongteprateptsü mepishir, ta NCD sangdong nungsa shia lir.