Army Day

India nung British nunger yimsüsüba kübok Commander-in-Chief tesasabuba, General Sir Francis Butcher sülen 1949 küm January 15 nü Indian Army nung mezüngbuba Commander-in-Chief, Lieutenant General K. M. Cariappa-i Army tongti mapa agizükba nüngtem nung kümshia January 15 nü Army Day mungyonga arur. Iba anogomung nung linük yimtiba, New Delhi aser headquarters ajak nung parades aser military show balala sayaa amunger. 2016 küm January 15 nü New Delhi nung 68buba Indian Army Day mungogo. Army Day anogomung nungsa linük aser nüburtem kümzüktsü atema taküm bendanga agüja asür tasütait sepaitem bilemteta amunger.