Hackers temi WhatsApp ajanga ne intang bank account data aoyatsü akok

New Delhi, January 14 (Agencies): Hackers temi WhatsApp amshirtem indang bank account aser password auyatsü merangtsü.
Hackers temi Word document mesükba mobile virus tapu ka WhatsApp ajanga prokshia lir, ta osang ajanga ashi.
Ken lapokra, iba documents ajanga online banking aser tanga personal data ajunga aoyatettsü. Iba virus ya Microsoft Excel aser PDF file ama yanglua lir.
Tang tashi nung iba virus aketba file ya NDA (National Defence Academy) aser NIA (National Investigation Agency) tenüng nung yanglua India nung prokshia lir aser iba tenüng ajanga WhatsApp amshirtemi iba virus agi sünga aliba file ya download süa lapoktsü mesüzüker.
India nung aliba central security service ajanga NDA aser NIA nem iba osang agütsüogo. Iba Virus ajanga smartphone nung yua aliba bank intang tejangja maparen aser PIN code nunger amala personal data auyatettsü, ta osang ajanga metetdaktsü.