Karachi:Tzünglu tesashi aluba agi nisung 4 asü

Karachi, January 14 (Agencies) : Karachi, Pakistan nung tan tsüngküm mapang mezüngbuba tzünglu tesashi alua timtem agütsüba mapang tajemba agi nisung 4 süogo, ta Honibarnü ketdangsertemi metetdaktsü.
Tzünglu tesashi aluba ajanga yimti tesem aika nung light raksatsü aser gari lenmang aika nung gari junga mejajateti liasü, ta Dawn osangkaket nung shia lir.
Kashmir lenmang nung arishi küm 25 tain, Mohammed Asad pa motorcycle nung mener ajutoka alangdang tekolak kanga mejungi yiru aser mozükidangi bener mao tsüngda asü, ta ketdangsertemi ashi.
Ano Nazimabad kübok Urdu bazaar nung nisung ana motorcycle nung mener lenmang tanüla nung ajutoka tsükokdang asü, ta Rizvia police-i ashi.
Ano Korangi Crossing nunga lanur ka light süngzü petdanger aliba ka nung kongshiba ajanga asü, ta police-i ashi.
Tzünglu alu tenzüba mapang nungi light süngzü aika petdanga tsük aser ibaji ajanga Clifton, Shah Faisal Colony, Tipu Sultan Road, Malir, Landhi aser Gulshan-i-Iqbal tesem kar nung light mali aküm.
Iba yimti nung ano mepet tzüsü aser tsüngmok tsüngpret manentsü aser temokongji 12 aser 14 degrees Celsius tsüngda alitsü, ta tzü mopung takzürtemi Honibarnü ashi.
Hokolbarnü iba yimti nung mopung kanga mokonga küma 26 degrees Celsius tashi alua liasü ajisüaka ano tangbo 10 degrees Celsius tashi alua kangasa temokong lir.
Karachi Development Authority aser District Municipal Corporation-South nati item tesem nung emergency sangdongogo.