Angh-i benjung salem metetdaktsür

Dimapur, January 14 (TYO) : Nagaland nung alirtem den alima tesem balala nung aliba Assamese nunger ajak dangi Nagaland Angh-i Bhogali Bihu salem abener, ta PRO to Governor sangdong ka nung metetdaktsü.
Bhogali Bihu ya aluruba benjung lir aser iba benjung ajanga Assam nung aluru tembangba tamaitsü sayur. Bhogali Bihu ya North East nung amunger, Karnataka, Kerala, Telangana, Andhra Pradesh o Maharashtra nunga Makar Sankranti, Tamil Nadu nung Pongal aser North India nung Lohri ta ser ta ser benjungtem amunger, ta PRO to Governor sangdong nungsa shia lir.
Item benjung ajak ajanga loktiliba nung yimjung aser azükaru bener arujang ta Angh-i moatsür, ta sangdong nungsa shisem.