Dimapur nungi BJP candidate temi Nagaland Angh den ajurutep

Dimapur, January 14 (TYO) : BJP tenüng nungi DMC elections nung tokteptsü atema tenüng agüja alir candidate temi Hokolbarnü Chumukedima Police Guest House nung Nagaland Angh, P.B. Acharya den ajurutepa senden ka amen.
Yashi Angh den ajurutepba mapang BJP candidate ka mendentet.
Iba mapang Angh-i candidate tem dang electionsa mapang tensa meraksatsüla aser sen atema masü saka tangatetba nung ajemdaker elections nung tokteptsü atema ayongzük, ta BJP candidate temi sangdong ka nung metetdaktsü.
Paisa, tetsürtem dang 33% maongka agia election nung tokteptsü atema ayongzük aser candidate tem moatsü, ta Hokivi Chishi ward 19, Hokuto Zhimomi ward 22, Vikheho Zhimo ward 17, Simon Yeptho ward 23, Yangertoshi ward 10, Moa Jamir ward 16, G. Kits ward 20, Kavili ward 21, Meweu Lasuh ward 1 aser Ikato ward 7 nungertemi külem sangdong nung shia lir.