Pakistan nem China nunger rong ana agütsü

Islamabad, January 15 (Agencies) : China aser Pakistan Economic Corridor (CPEC) tzü lenmang tsütsü security junga alitsü nükjidong nung Deobarnü China-i Pakistan Navy nem rong ana agütsüogo.
Item rong anaji Pakistan Navy nung Vice Admiral, Arifullah Hussain-i Gawadar sea port, Balochistan nung agizük aser ayong tenüngtem Hingol aser Basole na tenüng jaloktsü, ta Pakistan radio osang ajanga metetdaktsü.
China nunger rong ana ya Pakistan Navy meyong kümogo aser item rong ya Gwadar port aser CPEC tzü lenmangtem nung security mapa inyakba nung amshitsü, ta Hussain-i ashi.
China-i ano maneni Pakistan Navy nem rong ana agütsüsemtsü. Item rong agütsütsü atema tang mapa inyaktepdar aser memunui bilemba ama inyaktsü imlar.