February nungi Kareena Kapoor Khan-i mapa tenzüktsü

Mumbai, January 15 (Agencies): Bollywood actress, Kareena Kapoor Khan temang mazüngi aliba mapang nunga lai maneni mapa inyaka liasü aser advertisement nunga shilem agia liasü.
Bollywood nung tatishitsü tajung ka sayua lai la mashisa aliba mapang lokti nung nümadangdanga shilem agia aruogo.
Mashisa alidang tetsür aikati sodi mapang talanglang agir ajisüaka laibo mapang tatsüka dang anisüngzüka liasü, aser la tanur asoba sülen mapang tatsüka tsüngda lai mapa inyaktsü lemtetogo.
December 20 nü lai jabaso ka soa liasü aser joko lai mapa tasen agizükogo.
Taruba ita lai nüngtugu fashion week ka nung shilem agitsü ta osang angazüker.
Tan hopta nunga lai fashion week nung shilem agitsü aser Mumbai nungi nüngugu designer ka indang fashion sayatsü. Maneni lai March ita nungi film tasen nung shilem agitsü ta osang angazükogo.
2016 küm Kareena Kapoor Khan-i shilem agiba film ana- Ki & Ka aser Udta Punjab sayaa liasü. Lai shilem agitsü aliba film tasenbaji Veere Di Wedding lir, aser kasa film nung Sonam Kapoor aser Swara Bhaskar natia tongti shilem agitsü.