Nations Cup:India tsür 3buba asü

New Delhi, January 15 (Agencies): Serbia nung aliba Vrbas yimti nung Deobarnü National Champion bena alila, Neeraj (51kg)-i gold angu aser ano tetsür asem-i silver anguba ajanga Nation’s Cup nung India-i asembuba jenjang ngutetogo.
Haryana-tsür Neeraj, shiba International tournament nung tan mezüngbuba asayar, lai Kazakhstan tsür Jaina Shekerbekova koka India asoshi gold ka ngua liasü.
Saka tamalen World Championship nung silver angur Sarjubala Devi (48kg), Priyanka Chaudhary (60kg), Pooja (69kg) aser Seema Poonia (+81ks) nungeri silver ngua liasü.
“Parnoki iba asayamung nung junga asayaba asoshi ni kanga pelar. Onok iba asayamung nung asayatsü asoshi anogo 25 ang training agir aru aser parnoki kanga junga asaya,” ta Chief Coach, Gurbax Singh Sandhu-i Vrbas nung osangbener den jembidang ashi.
Iba tsüngtepba nung India-i gold ka, silver pezü aser bronze ka angu.