Sen 11.99 lakh jenjang Tata Hexa sayaogo

January 18, 2017 (Agencies): Tata company ajanga Tata Hexa gari sayaogo. Iba gari jenjang sen 11.99 lakh nungi tenzüka angutsü aser sen 17.49 lakh jenjang kasa gari tapu balala angutsü.
Iba gari jelia mekazüka ayuba sentong tenzüker anogo ishika ogo aser January tatemlen tashi nungi angutsü.
Tata Safari Storm nung aliba ama Hexa ya 2.2-litre Varicor engine lir. Iba gari ajanga 150 PS power aser 360 Nm torque tashi agütsür, aser iba gari amshitsü kanga tanük lir aser five-speed manual lir.
XM aser XT model ya 2.2-litre 156hp 400Nm Varicor400 diesel engine lir. Iba gari nung six-speed manual aser automatic gearbox lir.
6-speed manual gearbox aketba gari ya anitsü asoshi mode pezü- Auto, Comfort, Dynamic aser Rough Road lir. ‘Comfort’ mode ya city nung amshitsü asoshi lir.
Hexa nung ya nisung 7 tashi mentettsüsa yanglua lir. Iba gari nung amener kümzüktsü asoshi tejaklen airbag ana inokja lir aser ABS keta lir. Hexa XT nung airbag trok, traction control aser ESP keta lir.
Hexa ya sentsü pongu nung angutsü. Iba gari nung cruise control, 19-inch alloy wheel, JBL sound system aser driver amenba menden ti-sü nung melenshitettsü yanglua lir.
Tata Hexa jenjang telemsa yamai alitsü (ex-showroom, Delhi)
XE jenjang sen 11.99 lakh
XM jenjang sen 13.85 lakh
XMA jenjang sen 15.05 lakh
XT jenjang sen 16.20 lakh
XTA jenjang sen 17.4 lakh
XT 4X4 jenjang sen 17.49 lakh