Dimapur nung Dance Fitness Studio ka lapokogo

Dimapur, January 18, 2017 (TYO): Nagaland nung ano fitness centre ka GX Studio tenüng nung lapokogo. Iba ya mezüngbuba PAWF (Performing Arts With Fitness) alitsü aser iba nung Zumba Fitness aser Les Mills Body Combat tesayubatem agütsütsü.
Tetso Arena, Tetso College Campus, Sovima Village Dimapur Nagaland nung iba studio ya January 14 nü Talien Pongen, Talitemjen aser Kvulo Lorin nungeri tenzük.
Talien Pongen ya Master trainer ka lir aser la Florida USA Zumba Fitness Zin züngsem ka lir.
Talitemjen shiba dang CRT taa ajar pa New Zealand nungi certified Les Mills Body Combat instructor lir.
Süoshi melendak, tzü chikodak, fitness consultation aser tanga fitness sentong amala facilities tem agütsür.
Osang tejangja metenürtemi 8258981322 nung metetpelatsü akok aser demo class ka atema sentong yanglutettsü, mesüra PAWF indang facebook page reprangtettsü.
Zumba Fitness ya Latin-inspired cardio-dance exercise yim ka lir. Iba tsüngsang nung Latin American jazz, African beats, country, hip-hop aser pop ken tem nung steps tem choreograph sür tsüngsanger.
Les Mils Body combat ya martial art yimya nung exercise asüba sentong ka lir. Iba art ajanga temang nung shilem balala; teka, tetsüng, teberem, tapu amala shilem tem exercise asüba nung yarir. Class tem ajak temang anema alitsüba atema rangloker exercise agir.