Angela Merkel’er sorkari Sep 24 nü election agitsü anogo shim

Berlin, January 18 (Agencies) : German Chancellor Angela Merkel-i aniba sorkari September 24, 2017 nü general election agitsü anogo shimogo aser iba mapang lai kümsük pezübuba atema tokteptsü.
Ajisüaka, Merkel’er right-left coalition cabinet-i shimba anogoji President Joachim Gauck-i agizüktsüla.
Europe nung rongsenkettsng nung takartiba linük Germany nung nisungtemi Merkel kanga sapur aser iba yongji taküm election nunga lai takok angutsü teimla lir.
Bodbarnü poll osang ka ajanga Germany nung yimtenren tashi tulutibaji lar Christian Union bloc (CDU/CSU) lir ta metetdaktsüogo.
Tanabuba jenjang nung Merkel’er “grand coalition” government nung yariteper Social Democrats (SPD) telok lir.