BJP-i ULB elections atema nüboyimba sentong tenzük

Dimapur, January 18 (TYO) : February 1, 2017 nü Municipal & Town Councils election 2017 agitsü aliba atema Bharatiya Janata Party (BJP)-i Bodbarnü nüboyimba sentong tenzükogo.
Hotel Saramati compound nung BJP-i election campaign tenzük aser parnokisa Municipal & Town Councils election 2017 indang manifesto saya.
Dimapur nung BJP atema inyakyim tenzükogo anungji party züngsemtemi election nung takok angutsü atema meranga inyaktsüla, ta BJP Nagaland president, Visasolie Lhoungu-i sentong nung tayongzükba agütsü.
BJP-i shinga anema menokdaker saka onoki candidate temi terenlok bener arutsü atema tashi itdaktsür, ta paisa ashi.
Sentong nung Convenor, BJP, Finance & Development, Khulu-i party manifesto indang metetdaktsü, Hokivi Chishi-i BJP nungi tokteptsü aliba candidate tem tenüng nung o jembi aser senior BJP züngsem James Vizo-i party tangatetba indang lemsatep.
Iba sentong nung DMC nungi BJP ticket amer candidate 10 aser East Dimapur nungi candidate 3 aden.