HIL: Mumbai aser Ranchi 3-3 nung asaya tembang

Mumbai, January 21 (Agencies): 5Buba Hockey India League (HIL) Honibarnü, Dabang Mumbai aser Ranchi Rays na tsüngda Mumbai nung asayaba mapang Dabang Mumbai ajanga asaya tatemlen goal ana yokba ajanga 3-3 aküm.
Pungububa aser tatembangba penalty-corner nung Nikkin Thimmiah-i goal ka agütsüba ajanga 1-3 aliba nungi 3-3 aküm.
Dabang Mumbai telok nungi Harmanpreet Singh-i penalty corner nung goal ka agütsür liasü.
Mezüng quarter nung telok anaprong nungi goal kata magütsüteti liasü saka Ranchi Rays telok nungi Simranjeet Singh-i minute 31buba nung ‘field goal’ ka agütsüba ajanga par teloki 2-0 agi timba aküm.
Iba sülen Dabang Mumbai telok nungi Harmanpreet Singh-i goal ka agüja 2-1 aküm.
Ranchi Rays atema tanabuba penalty nung Ruhr-i tanabuba goal agüja 3-1 kümdaktsü.
Iba asaya atemtsü minute 15 anünga lia Dabang Mumbai telok nungi Nikkin Thimmiah-i penalty corner nung ‘field goal’ ka agütsüba ajanga telok ana 3-3 nung iba asaya tembang.