Nadal aser Serena Williams nati akok

Melbourne , January 21(Agencies): Rafael Nadal-i Germany nunger asangor Alexander Zverev den kanga dang toktepba asayaba asaya ka nung Hokolbarnü akok.
Set pungu asayaba nung Nadal-i 4-6, 6-3, 6-7 (5/7), 6-3, 6-2 agi akok. Asaya kanga toktepba asaya saka tatemlen Zverev belemadokba ajanga Nadal nem maongka tajung agüja pai iba asaya akok.
Djokovic tsükba sülen asayar 16 anünga aliba rongnung Roger Federer nunger den Nadal-a densemogo.
“Alexander ajungba meteta lir. Pa iba asaya nung tang aser tarutsü asayarji lir,” ta Nadal-i asaya temer külen ashi.
Nadal taruba asaya France nunger Gael Monfils den asayatsü.
Ano tetsür kija asaya nung Williams-i külem America tsür Nicole Gibbs madak 6-1,6-3 ngua ayong ayonga akok.
La taruba asaya Barbora Strycova den asayatsü.
Williams-i Grand slam ajak agi 22 ben bena lir, aser Steffi Graf-i koka aliba den kasa kümogo.