Republic Day nung Le2 Superphone ayoktsü

New Delhi, January 22 (Agencies): LeEco indang Superphone Le2 ayoktsü asoshi Republic Day Sale sentong ka January 21 nungi 23 tashi Snapdeal nung angutsü.
Snapdeal amshirtemi Le2 ya January 21 aser 22 nung alira, jenjang tajemba nung aliba ya kisüng masü saka sen meyipa angutsü, mesüra HDFC Credit card jenjang tajemba nung angutsü.
Le2 nung 3GB RAM aser memory 64GB lir aser iba smartphone online nung ayok tenzüker mapang talangkabo masü. Iba phone ya kanga tajung, ta nisung aikati ashir.
Le2 display ya inch 5.5 Full HD lir aser Octa-Core Qualcomm (R) Snapdragon (TM) 652 processor lir. Iba phone rangben ya yin temeja lir. Le2 ya alima nung mezüngbuba CDLA Standard nung yanglua lir aser iba ajanga ken angatsü asoshi ola kanga tajung lir.
LeEco ya mezüngpo Letv ta ja liasü aser iba company ya mezüng internet aser technology amshiba rongnung dena lir. Sen USD billion 11 jenjang LeEco company ya 2004 küm November ita nung YT Jia aser Hank Liu Hong-nati tenzük. Iba company Headquarter ya Beijing, China aser Silicon Valley, US nung lir aser Hong Kong, India aser Russia nung regional office lir.
LeEco company ajanga ecotv, ecophones, video aser kidang amshiba osettsüset tem yanglur.
Movie, TV drama, entertainment show, saisapong aser ken amala tapu balala indang library tulu yanglua lir aser itemji LeEco indang ecophone, ecotv amala nungi reprangtsü akoker.