Khekaho Assumi-i Akuluto Business Association nung aden

Dimapur, January 22 (TYO) : January 21, 2017 nü Information & Public Relations Parliamentary Secretary, Khekaho Assumi-i Akuluto Town Business Association küm 25 ajungba jubilee nung tongti tesemdanger ama shilem agi.
Sentong nung Khekaho-i o jembidang Business Association-i tesüiba mapang aser tang mapa tajungtem inyakba atema tenüngsang agütsü.
“Tebilemtsü khuret abenba aser bendanga agüja inyakba ajanga dang takok angur. Jila ka kümdaktsütsü aser jila renlokdaktsütsü atema Business Association nungi membership fee tera agia tenzük” ta paisa ashi.
Iba ya bendanga agüja inyakba ka liasü aser tetenzükertemi iba mapa tajung inyakba ya “Local Self Government” ama liasü aser parnok nem tenüngsang agütsür, ta Khekaho-isa ashi.
Sentong nung NCRC Akuluto Pastor, Vitoka-i Lai azüng aser Akuluto Town Baptist Church pastor, Mulaho-i temoatsü meshia sarasadem.
Sentong nungsa Khakheli Awomi-i ken ka aten aser Jubilee Planning Board Chairman, Yekikhe Chishi-i anküp tepela o jembi.