Meghalaya nung tanur 7-i tetsür ka dak tashiyim mapa inyak

Shillong, Januray 2 (Agencies): Meghalaya, Khasi Hills district kübok Mawten yim nung tebur chanu teneti arishi küm 11 tetsür chanu ka dak tashiyim amshia mapa tamajung inyak, ta tanü police-i ashi.
Tetsürlar kinungertemi benokba FIR nungji shia aliba agi, tebur chanu telok ka jagi tetsürlaji anaben tashi tashiyim amshia raksatsü- Khristmas matongdang mezüng tzülu ka nung tashiyim amshia raksatsü aser tanabuba tatalokbaji taküm January 13 nü lar kidang tashiyim amshia raksatsü.
Tang tai tonglokja aliba tebur ajakji kasa yim nungi lir aser parnok ajak arishi küm 14 nungi 16 tsüngdapurtem lir, ta police ketdangser kati metetdaktsü.
Police-i ashiba agi, tai tonglokja alir ajak jagi parnoki aibelenba nangzükogo aser taküm melenshitsü atema puokba ki, juvenile home kati yokogo.
Iba ken oji Indian Penal Code section 376 (g) (teloki tashiyim mapa inyakba) aser Protection of Children from Sexual Offences (POCSO) Act kübok ozüng balala nung ajemdaker benok.
Yaküm Meghalaya nung POCSO Act kübok ken o 101 aser tanurtem dak tashiyim mapa inyakba ken o 22 benoka liasü, ta Home department indang crime records bureau ajanga metetdaktsü.