Shidi sen mamshiba ajanga ochimashi samatsütsü: Sarbananda Sonowal

Guwahati, January 22 (Agencies): Deobarnü Assam Chief Minister, Sarbananda Sonowal-i teküpoktiba jenjang nung inyakba mapatem nung shidi sen mamshii inyaktsü indang tebilemba lemsatep.
“Shidi sen mamshiba ajanga inyakyim nungi ochimashi agientettsü, anungji sensotemi shidi sen mamshitsü yimya sübatsüla” ta Guwahati nung ‘DigiDhan Mela’ lapoktsüdang Sonowal-i ashi.
Teküpoktiba jenjang nung shidi sen mamshitsü tayongzükba agüja Sonowal-i ‘Chief Minister’s Award’ ka agütsütsü osang metetdaktsü.
Digital payment inyakyim tenzükba aser nisung aika den cashless transactions inyakba district tajungtiba nem iba sempet agütsütsü ta pai ashi.
March 31, 2017 sülen 2016-2017 financial year tembangba mapang district tajungtiba nem Deputy Commissioner ajanga Rs 50,000 senpet agütsütsü, ta Assam Chief Minister-isa metetdaktsü.
Linük nung shidi sen mamshiba inyakyim tenzükba state tem rongnung Assam-i mapa tajungtiba inyakogo, ta Sonowal-isa metetdaktsü.