Republic day nung an aser ak chanu sayutsü

Dimapur, Jan. 22 (TYO): Taküm 2017 January 26 nü Republic day amongba sentong mapang DDSC stadium Dimapur nung an aser ak chanu sayuba sentong ka alitsü, anungji an aser ak metsürtemi mulungsua shilem agitsüla, ta Chief Veterinary Officer, Dr.Temsü Ozükümi metetdaktsüogo.
Iba sentong nung shilem agitsü purtemi ak chanu ita asem tain aser an local tapu balala den kuroiler, Vanaraja, Gramapriya aser Shitiri nungertem bener arutsüla ta paisa metetdaktsü.
Iba sentong nung shilem agitsü jangrartemi January 24, 2017 anüngdang 1:00 ako tashi nungbo tenüng agütsütsüla ta kasa sangdong nungsa metetdaktsü.
Ano, sentong nung shilem aginürtem rongnung ak chanu sayunertemi mobile phone number 9436605973 & 9436072892 aser an sayunertemi mobile number 8974695433 & 9436002353 ajanga tongteprateptsü akoktsü.