World No 1 Kerber, Murray Australian Open nungi toguogo

Melbourne, January 22 (Agencies): Yaküm Australian Open takok marok bener aola, Angelique Kerber round pezübuba nung tsükogo. Teburtem rongnung World No 1 Andy Murray-a kasa tia-i Germany nunger Mischa Zverev-i yok.
Australian Open, round pezübuba Rod Laver Arena nung Coco Vandeweghe aser World No 1 Angelique Kerber tsüngta Deobarnü asayaba nung Coco-i ghonda ka sür minute ti nung Kerber madak 6-2, 6-3 agi takok angu.
Vandeweghe-i Spain tsür Garbine Muguruza den asayatsü.
Britain nunger Andy Murray aser Germany nunger Mischa Zverev asayaba nung Murray-i makok. Zverev-i World No 1, Murray madak 7-5, 5-7, 6-2, 6-4 agi takok angu.
Federer-i Nishikori madak kanga sak-a takok angu
Küm 35 tain Roger Federer-i World No 5, Kei Nishikori madak 6-7(4), 6-4, 6-1, 4-6, 6-3 agi takok ngua Australian Open quarter-final tongogo.
Federer ya temang nung timtem aliba ajanga ita trok tashi Tennis masayai liasü aser Deobarnü pai ghonda 3 aser minute 24 junga asayaba nung Japan nunger Nishikori madak takok angu.