3buba ODI nung England-i run 5 agi India madak takok angu

Kolkata, January 22 (Agencies): Deobarnü India aser England tsüngda One Day International (ODI) asembenbuba asaya Kolkata nung asayaba nung England-i run pongu agi India madak takok angu.
India telok nungi Kedar Jadhav-i kanga junga asayaba ajanga par teloki takoker liasü saka pa run 90 nung lia out sütsü.
Deobarnü asayaba nung India tamakok aluaka iba series nung India-i 2-1 agi England madak takok angu. Ben Stokes ‘Man of the Match’ sempet angu aser Kedar Jadhav ‘Man of the Series’ sempet angu.
India nunger Ajinkya Rahane run ka dang ngur lia David Willey-i out sütsü. Iba sülen kobi melii KL Rahul run 11 ngur lia Jake Ball-i out sütsü. Iba mapang India 37/2 liasü.
India nunger captain, Virat Kohli aser Yuvraj Singh nati kanga junga asaya saka Kohli run 55 nung lia Stokes-i out sütsü aser tatsüka lir Yuvraj run 45 nung out asü.
Iba match nung MS Dhoni-ia junga masayateti Jake Ball-i run 25 nung lia out sütsü.
Iba sülen Kedar Jadhav aser Hardik Pandya-na ajanga run 104 ngur lia Stoke-i Pandya indang wicket agi.
Jadeja aser Ashwin talangka melii out asü saka Jadhav-i kanga junga asayaba ajanga India-i akoktsü asoshi run trok tang nüngdaka aliba mapang pa run 90 nung lia out sütsü.
Ben Stokes-i half-century azükba ajanga teyari tulu ngua England-i over 50 nung wicket 8 out süa run 321 yanglutet.
Stokes-i ball 39 nung run 57 yanglutet. England telok nungi Jason Roy aser Jonny Bairstow-ia half-century tongtet.
Iba match ya Kolkata nung aliba Eden Garden Stadium nung asaya aser Hardik Pandya-i wicket asem agi aser left-arm spinner, Ravindra Jadeja-i wicket ana agitet.
England telok nungi Jonny Bairstwo run 56 ngur lia Pandya-i out sütsü. England Captain, Eoin Morgan-i ball 44 nung run 43 angu aser India nunger Jasprit Bumrah-i out sütsü.
Pandya-i run 49 agütsü aser wicket asem agitet. Tatempang over pongu nung Stokes-i 4 pezü aser 6 ana azükba ajanga run 58 angu aser pai run 73 yanglutet.
Iba match nung Chris Woakes-ia run 34 angu.