Nagaland Angh-i Tetso College Scholastic Day sentong nung aden

Dimapur, January 23 (TYO) : January 23, 2017 nü Nagaland Angh P.B Acharya-i Tetso College Sovima nung Scholastic Day 2017 nung tongti tesemdanger ama shilem agi.
College Amphitheatre nung ayongzüka agiba sentong nung Acharya-i o jembidang, Nagaland nung nütsüng yongsük lakh 20 shi ka nungi graduate lakh 3 shi lir aser iba asoshi tashi aliba lanurtemi mapa inyaker asü masü ta asüngdang.
“Shisaliok bushibaji asenok atema dang masü. Asenok tashi angubaji asen atema masü saka loktiliba asoshi sentsüh ka lir” ta paisa shisem.
“North East merenlokra, India tejakleni maotsü ta” Modi-i ashiba olen atishia, Acharya-i alizüng ka ayutsü ayongzük.
“Sobaliba tsütsü asenoki tajung ajangtetogo aser alima dang asen sempet sayuogo. Tang asenoki tanga wadang indang sempettem sayutsüla. Anungji, graduate temi state nung yimjung bener arutsü aser renlokdaktsütsü atema tebilemba bena mapa inyaktsüla” ta Nagaland Angh-isa ayongzük.
“Hon Nagaland ka kümdaktsütsü aser India azükarudaktsütsü atema nenok sepaitem kümang” ta pai ashi.
Sentong nung Angh-isa College E-book aser Tetso Interdisciplinary Journal sayatsü.
Paisa, Miss. P.S.Reishangnim (B.Com 6th semester) nem Student of the Year Award agütsü.
Tanü agiba sentong nung Tetso Choir aser Nagaland Chamber choir-i ken ajanga shilem agi aser Director administration Tetso college-i tesentepertem pela agizük.