Vir Das India nunger asayamenür rongnung mezüng ticket million 1 ayoksang kümogo

January 24, 2017(Agencies): India nung tanü-asüng ka asayamenür tajung aika adokdar, aser parnok rongnung AIB (All India Bakchod) aser asayamenür Kanan Gill nunger sapur aika kümogo.
Item asayamenür rongnung Vir Das ya mapa ajanga aateta chiyunger rongnung mezüngbuba ta züngshir. Asayamenüba ya kanga dang tajangzük akaba mapa ka lir, ta pai ashi.
2015 nungi tang tashi nung continent 7 aser linük 24 sema senzüba nung pai ticket million 1 yokogo. Singapore sentong sülen pa India nunger otsü nung mezüngbuba sentong 100 nung shilem agisang kümogo. Pa India nunger asayamenür rongnung nüngtugutiba lir. maneni pai alima ajunga anaben sema sentong balala nung senzüogo.
“2014 November nung ni million tesadang ka atong, iba ya kü asoshi takok kanga tulu liasü. Million ka atongtsü asoshi kü nukjidong liasü, aser küm asem nungang iba ya tongtettsü ta bilem, kechiyong ni teimba India nung sentong tilala nung dang shilem agia aru, saka CAA aser levity purtemi ni aniok, koba ajanga ni India, America, U.K. aser Scotland sema senzü, iba den külemi Pajama Festival ana, Alien Chutney sentong aser pot tour sentongtem nung shilem agi.” ta pai ashi.
“Item ajak longjema arur iba hopta Singapore, Esplanade Theatre nung ticket million ka ayok. Ni nükjidong ayuba dang nung küm ka jilia ni iba ya ajangtet,” ta Vir Das-isa ashi.