Rajasthan school tem nung ‘demonetisation’ indang sayutsü

Ajmer, January 24 (Agencies) : Narendra Modi’er sorkari sen jenjang aika aketba tejenten anentsü telemtetba agiba onük Rajasthan school syllabus nung benokogo aser iba syllabus nung kaketshirtem dang ‘cashless system’ aser ‘mobile wallet structure’ indang sayutsü.
Rajasthan Board of Secondary Education (RBSE)-i taruba academic session nungi class XII kakettem nung ‘demonetisation’ aser ‘cashless economy’ benoktsü, ta Mongulbarnü osang ka ajanga metetdaktsü.
“Yangi kaketshirtem dang cashless system aser mobile wallet structure indang sayutsü” ta RBSE chairman BL Choudhary-ia iba osang jangjashitsüogo.
Ajisüaka, shisaluyimba nung mongin nisungtemi ashiba agi, demonetisation ya school syllabus nung benokra, kaketshirtem dang iba maparen indang tajung aser tamajungtem ajak metetdaktsütsü tim.
Iba den külemi board-i inyakyim nunga temelenshi bener arutsüla, ta mongintemisa ashir.
Iba dak sendakba nung Ajmer nung aliba RBSE telongtet nung aliba Vidhyarati Sewa Kendra nung swipe machines enokogo.
“Iba ajanga kaketshirtemi ‘cashless system’ ajanga parnok indang mark sheet aser certificates indang duplicate copy tem angutsü” ta Choudhary-isa metetdaktsü.
“Kaketshirtemi debit mesüra credit cards ajanga sen menoktsü akok. Tang nungi RTGS (Real Time Gross Settlement) ajanga online transaction inyaktsü atema board-i telemtetba agiogo” ta paisa shisem.