Taoba Mizoram Minister Zosiama Pachuau süogo

Aizawl, January 24 (Agencies): Taoba Mizoram Education Minister Zosiama Pachuau tanü asü aser pa Venglai leper nung remogo.
Arishi küm 73 tain Pachuau-i pa kinungtsü, tanur 6 aser semchir 11 toktsür iba lima nungi pilaogo. Pa tashidak balala agi shiranga lir asü.
Pa tesayur ka liasü, aser iba sülen Mizoram Board of School Education (MBSE) nung assistant academic officer mapa inyak. 1984 nung senior academic officer mapa toktsür politics nung ajemok.
1984 küm Ngopa nungi People’s Conference (PC) party nung assembly election nung shilem agi. Par constituency-i pa küm asem atonga shim, aser iba sülen 1993 küm Kolasib constituency nungi toktepba adok. Kümsük ka asoshi pa cabinet minister rongnung shimok.
Pa lenisüba kübok Public Accounts Committee (PAC)-i government nung ochimashi ken o aser lenirtem aika temai adoka putet.