Yimjung kechisüdir süaka bener arutsü: Sonowal

Guwahati, January 24 (Agencies): Deobarnü AR convoy ka Ulfa(I) puri amakba ken o nung Hombarnü chief minister Sarbananda Sonowal-i item telungpurtem amokmerenogo. State government-i yimjung asoshi inyaktetba mapa ajak inyaktsü, ta pai ashi.
“Iba ya tasümait mapa ka lir, aser telungpur shirnoki azütokshitsü asoshi jangrar, parnok shinga medoktsütsü. Yimjung kechi südir süaka bener arutsübaji government indang nükjidong tongtipangtiba lir,” ta Sonowal-i ashi.
“Linük aintsü asoshi yimjungji tongtipangtiba lir, anungji iba ajangtettsü asoshi telungpurtem samatsütsüla. Neburtemi iba nükjidong tongtettsü asoshi government den yariteptsüla,” ta paisa shisem.
“Telungpur den raratsü aser temzüng ozüng shitak benshitsü asoshi district police tem tajungba nung arangtetshitsü,” ta Sonowal-isa metetdaktsü.
“Assam police telungpur den raratsü asoshi kanga junga renema lir. Onoki raratsü asoshi jangrar aser renema lir,” ta DGP Mukesh Sahay-ia osangbenertem dang ashi.