PV Sindhu, Sakshi Malik, Pullela Gopichand, Padma Award angutsü imlar

New Delhi, January 24 (Agencies): India nunger Olympian PV Sindhu aser Sakshi Malik Padma nata award atema nisung 150 shimdanga aliba rongnung densema lir.
Rio Olympic nung India tsür rongnungi mezüng Silver medal ngua Sindhu-i otsü tasen ka yanglu, ibaji ajanga la Padma Award asoshi züngsem. Maneni Sakshi-i kasa, India tsür rongnungi melangtepba nung mezüng medal angu, ibaji ajanga la tenünga iba tetushi sempet asoshi züngsem.
Padma Awards asoshi züngsemer rongnung Sindhu coach Pullela Goipchand, Google chief Sundar Pichai, Microsoft head Satya Nadella aser India nunger US lisopur Nikki Haley, South Carolina nung Governor nungera densema lir.
Iba sempet Republic Day atongtsü anogo ka lia agütsütsü.