Mangkolemba nung 9buba Open Volleyball Tournament asayaogo

Mangkolemba, Jan. 24 (Agencies): Mangkolemba nung 9buba Open Volleyball Tournament Falcon Club-i ayonga January 18 nungi 20 tashi asayaogo. Asayamung omen “Strengthen, Resolute and Excel,” liasü.
Asayamung tetenzük nung tongti tesemdanger T. Imkong Jamir, Director, Soil & Water Conservation Nagaland liasü. Asayar telok ajak agi 8 liasü. Final asaya nung Nokphu nungi Mangkotsürong Sporting Club ‘B’-i Thor Clan Club of Mangkolemba akok. Takoker nem sempet sen 70,000 den running trophy agütsü, aser tanabuba jenjang angur nem sen 40,000 agütsü.
Asayamung tembangba sentong nung tesüiba mapang kilonsor I. Imkong tongti tesemdanger liasü. Asayamung takok asoshi yariteper ajak dang Falcon Club-i pelaba lemsatep.