Australian Open 2017: Federer aser Wawrinka-i takok angu

Melbourne, January 24 (Agencies): Grand Slam marok 17 ben bena alisang Roger Federer, 2017 Australian Open Semi-final tongogo. Federer aser Mischa Zverev tsüngda asayaba nung Federer-i 6-1, 7-5, 6-2 agi Zverev akok.
Germany nunger Zverev-i World No 1 Andy Murray tsükdaktsüba ajanga Federer atema kanga shisa buluja liasü. Saka küm 35 tain Federer-i straight set nung Zverev akok.
Ano, Stan Wawrinka aser Jo-Wilfried Tsonga na tsüngda asayaba nung Wawrinka-i Tsonga madak 7-6(7/2), 6-4, 6-3 agi takok ngua 2017 Australian Open Semi-final tongogo. Tena tsüngda gondha 2 aser minute 15 asaya.
Wawrinka aser Roger Federer Semi-final asayatsü.
Mixed Doubles quarter nung Sania/Ivan aser Bopanna/Gabriela asayatsü
India tsür Sania Mirza aser Croatia nunger Ivan Dodig na mixed doubles quarter-final-i iogo.
Sania aser Ivan-i Alexander Peya aser Zheng Saisai-na madak 2-6, 6-3, 10-6 agi takok angu.
Sania aser Ivan-i India nunger Rohan Bopanna aser Canada-tsür Gabriela Dabrowski den Quarter-final asayatsü.
Bopanna aser Gabriela-i Lukasz Kubot aser Chan Yung-jang madak 6-4, 5-7, 10-3 agi takok anguba ajanga Quarter-final tongteta lir.