55Buba SASA Wrestling Championship nung Neivolie Zashumo-i akok

Kohima, January 24 (Agencies): Jakhama local ground nung 55Buba Southern Angami wrestling Championship, January 23, 2017 nüa asayaba nung Phesama yim nungi, Neivolie Zashumo-i akok.
Final melangtepba nung seret 105 aser tar feet 5 ser inch 8 talang, Neivolie Zashumo-i SASA wrestling champion anaben bena alisang Visevo Zashumo madak takok angu.
Viswema yim nungi Keselvi Mekro-i tasembuba jenjang aser Kigwema yim nungi Keneisolie Sale-i pezübuba jenjang angu. Iba tetoktepba nung sempet telemsa yamai liasü: 1st Position – sen 80,000/-, 2nd Position – sen 60,000/-, 3rd Position – 40,000/- aser 4th Position – 20,000/-.
Iba tetoktepba sentong nung chief host aser Tetushi tejaoker, MLA Er. Vikho Yhoshu liasü.
Iba sentong nung Ketoupuzo Lhoushe-i Tir o jembi.
SASA Tongti tezülur, Mezhuvo Thorie-i sentong ani aser Jakhama Baptist Church pastor, Rev. Zapovil Sophie-i sarasadema liasü. Diethozo Thakro-i temeja ken ka aten aser Zapravi Mekro-i asayartem tenangzükba agidakja liasü. Iba tetoktepba nung shimtetertem ya SASA tenüng nung taruba Angami Sports Association nung shilem agidaktsütsü.