Israel-i West Bank nung ki 2,500 yanglusemtsü

Jerusalem, January 25 (Agencies) : Israel nung Defence Ministry-i Mongulbarnü West Bank nung talidak ki 2,500 talila yanglusemtsü ta osang metetdaktsüogo.
US President Donald Trump-i menden agizükba sülen Israel-i tang agi tanabenbuba Wet Bank nung ki taliba yangluloktsü osang metetdaktsüogo.
Prime Minister Benjamin Netanyahu aser Defence Minister Avigdor Lieberman nati temelaba agütsüba sülen ki tasentem yangluloktsü, ta Defence Ministry sangdong ka nung metetdaktsü.
Ki 100 Beit El nung yanglutsü ta parnokisa ashi. Iba tesem nung mapa inyakbaji Trump’er jala kinungbo, Jared Kushner’er kibongi teyari agütsür, ta Israeli media ajanga metetdaktsü.