India Republic Day tenüng nung Burj Khalifa nung light mesangbanger

Dubai, January 25 (Agencies) : 68 buba India Republic Day nung alima nung ki talangtiba Burj Khalifa nunga India wako sentsütem – saffron, white aser green ajanga light mesangbanger ta osang ka ajanga metetdaktsü.
“Burj Khalifa nung Indian National flag LED illumination ajanga taonung asenoki India’er 68 buba Republic Day benjunger” ta Burj Khalifa indang official Twitter account nung English aser Arabic oshitem nung metetdaktsü.
Burj Khalifa ya azüklen feet 2,716.5 tua yanglua lir aser iba ya alima nung ki talangtiba lir.
Dubai nung yangluba ki ya Abu Dhabi yimsüsür aser United Arab Emirates president, Khalifa bin Zayed Al Nahyan nüngtem nung yangluba lir.
Asüng New Delhi nung Crown Prince of Abu Dhabi, Mohamed bin Zayed Al Nahyan-i India Republic Day sentong nung Tongti Tesemdanger ama shilem agitsü.