Mizoram nung nisung lakh 10 lir; vote agütsür lakh 7 lir

Aizawl, January 25 (Agencies): Nütsüng lakh 10 aser vote agütsür lakh 7 aliba ajanga Mizoram ya nütsüng den medemdangba nung vote agütsür timba rongnung ka lir, ta Mizoram Angh, Lt Gen (Retd) Nirbhay Sharma-i tanü metetdaktsü.
“January 5 nung Electoral roll züngdangba adoktsüba nung Mizoram nütsüng yongsük lakh 10 shi lir aser vote agütsür nisung 7,39,976 lir,” ta pai National Voter’s Day sentong nung jembidang ashi.
Mizoram nung aliba district 8 indang headquarter ajunga nung National Voter’s Day ya among, ta state nung ketdangser ajanga osang metetdaktsü.