Assam Secretariat Complex nüngja ‘Janata Bhawan’-i melen

Guwahati, January 25 (Agencies): Assam Secretariat Complex tenüng ‘Janata Bhawan’ ta melenba osang ka state sorkari tanü metetdaktsüogo. Iba temelenshi osang agütsüba mapang nungi mapa küma amshitsü, ta ketdangsertemi osang ka ajanga metetdaktsü.
State sorkari Assam Secretariat ‘Janata Bhawan’-i melentsüba telemtetba December 29 nü senden ka nung agia liasü.
1972 küm Meghalaya state tasen ka akümba sülen Assam yimtiba Shillong nungi Dispur-i belener alur külen nungi, Assam State Secretariat ya küm 32 asoshi süngo bendena ayuba ki yanglushir amshia aru.
Assam State Secretariat ki ya taoba Congress chief minister Sarat Chandra Sinha-i ‘Janata Bhawan’ ta nüngja agüja meshitettsü.
2004 November 22 nü Prime Minister Dr Manmohan Singh-i Assam State Secretariat ki tasenba lapoktsü.