CHSS küm 50 ajungba benjung tenzük

Dimapur, January 25 (TYO): Christian Higher Secondary School, Dimapur küm 50 ajungba benjungmung tanü school ground nung marathon race agi tenzük aser meshiteta sarasadema liasü.
NBCC General Secretary, Rev. Dr. Zelhou Keyho-i küm piyong benjungmung sarasadema tenzüktsü aser lokti ajungshia jembia liasü.
CHSS Principal S. Moatemsu Walling-i lokti pelaa agizüka liasü.
Tanep School Managing Board Chairman, Rev. Dr. N. Tzudir-i school küm 50 ajungba benjung tenzükja marathon asemtep tenzüktsü.
Iba sentong nung kaketshirtem, tamalen iba school nung azüngertem, tesayurtem, tsüraburtem aser temeimertem nisung 1000 shii kilometer 7 asema iba benjungmung kanga mera keta tenzükogo.