Hugo Barra-i Facebook nung mapa inyaktsü

January 26, 2017 (Agencies): Facebook Inc ajanga Chinese smartphone yangluba company, Xiaomi Inc indang tatong tir, Hugo Barra, Facebook nung ‘virtual reality’ sentong tasen ka anitsü asoshi shimba osang ka, Facebook Chief Executive, Mark Zuckerberg-i metetdaktsü.
Facebook purapitetsang, küm 32 tain Zuckerberg-i ‘virtual reality’ ya tarutsü nung Facebook atema kanga tongtibang mapa ka asütsü südi, ta bilemba yong 20014 küm Oculus ya alizük.
Berra-i anogo ishika tejaklen pa temang majungba aser mapa tasen aliba ajanga Xiaomi company nung tatong tir menden toktsür, ta metetdakja liasü. Pai iba mapa küm asem sür tesadang inyak. Xiaomi company-i Singapore aser Brazil limatem nungi shishilembaba maparen ajak 2016 küm anena lir.