Deepika-i Ellen DeGeneres den tasoba anogo salem lemsatep

Mumbai, January 27 (Agencies) : Actress Deepika Padukone-i American talk show host, Ellen DeGeneres den tasoba anogo salem lemsatep.
Twitter nung Deepika-i DeGeneres den la külemi agiba noksa ka sayu aser tepela tasoba anogo salem metetdaktsü.
Ellen DeGeneres tanü arishi küm 59 ajunger aser Kerry Washington, Britney Spears, Kate Walsh o Nicki Minaj nungertemi anir Hollywood celebrity aikati la den tasoba anogo salem lemsatepogo.
Deepika-i xXx: Return of Xander Cage film nung Vin Diesel den külemi shilem agia Hollywood nung tetsüng ajemok aser tan ita tetenzülen lai The Ellen DeGeneres Show nung shilem agia liasü.
Iba film ya US nung mesayadang India nung mezüng sayaa liasü. 2002 küm xXx film aser 2005 küm xXx: State of the Union film tem den atongtepa xXx: Return of Xander Cage ya yangluba lir.
Iba film ya DJ Caruso-i direct asü aser Ruby Rose, Samuel L Jackson, Donnie Yen o Tony Jaa nungertemia shilem agir.