John Cleese-i Batman Film tasenba nung shilem agitsü

January 27, 2017: John Cleese-i Batman film tasenba, Justice League nung shilem agitsü; asayamenur nüngtugu John-i Batman (Ben Affleck) aser Superman (Henry Cavill) na den külemi shilem agitsü.
Film tasenba nungsa Amy Adams, Jesse Eisenberg aser Jeremy Irons nungeria shilem agitsü.
The Sun osang ajanga ashiba agi, Monty Python actor John-i mezüng twitter nung Ben Affleck aser director Zach Snyder na anishiba (follow) nungi pai DC movie nung shilem agitsü südi ta bilema liasü.
Iba sülen Batman v Superman-ia UK Twitter profile nung John anishiba ajanga iba olulu jembi tenzük.
Ajisüaka arishi küm 77, John Cleese-i kechi shilem agitsü’ar mejangja.
Osang ka ajanga, “Pa iba film nung densemba ajanga film ji kanga ajungtsü ta pa sapurtemi bilema liasü, saka tangbo ibaji atangji nung atalokogo,” ta ashi.
“Tang tashi nungbo pai kechi shilem agitsü’ar mejangja, ajisüaka pai tongtibang shilem ka agitsü,” ta kasa osang ajanga ashi.