Sen lakh 4.69 alang Maruti Suzuki WagonR VXi+ sayaogo

January 27 (Agencies): Maruti Suzuki India Limited-i tanü WagonR tasenba, VXi+ gari sayaogo. Iba gari ya automatic aser manual, anaprong nung angutsü.
“Maruti Suzuki-i India nung WagonR lakh 19 yokogo. WagonR VXi+ India nung sayaba ajanga iba gari nung amenertem anisüngzük tali angutsü aser lendong balala nungi kümzüktsü asoshi oset tasen inokja lir. Iba ajanga WagonR brand tali tashi itdaktsütsü aser Maruti Suzuki indang shishilembaba tali tuluba kümdaktsütsü,” ta Maruti Suzuki India Limited nung Marketing & Sale, Executive Director, R.S. Kalsi-i iba WagonR VXi+ sayatsüdang ashi.
WagonR VXi+ nung ya Projector headlamp, stylish front grill, alloy wheel amala tasen inokja lir. Iba gari nung Dual Airbags, Electronic brake aketba Anti-Lock braking system tem keta lir.
WagonR ya India nung kanga saputeba amshiteper aser India nung gari ayokba rongnung iba gari ya temaba jenjang pungu rongnung mapang talangka arudaki. 2016-17 kümsük nung company-i WagoneR ya 131,756 yokogo (2016 Dec tashi nung).
2015 küm, WagonR ajanga Auto Gear Shift (AGS) technology aketba model ka kanga takok ngua saya liasü.
Tang tasenba WagonR VXi+ jenjang telemsa yamai alitsü (ex-showroom, Delhi).
WagonR VXi+ (manual transmission) – Sen 4,69,840/-
WagonR VXi+ (O) (manual transmission) – Sen 4,89,072/-
WagonR VXi+ (AGS transmission) – Rs 5,17,253/-
WagonR VXi+ (O) (AGS transmission) – Rs 5,36,486/-