Samsung Galaxy S8 March 29 nü sayatsü

January 27 (Agencies): Samsung Galaxy S8 march 29 nung sayatsü osang jangjaogo. Evan Blass-i taruba Samsung Galaxy S8 indang noksa ka meima sayuogo. ” Galaxy Note tejentem dang nungi Galaxy S8 nung display tuluba lir,” ta Blass-i ashi.
Noksa koba Evan-i sayu iba nung home button mali, aser fingerprint scanner-ji tesülen camera anasa lir.
Headphone jack tanga Samsung phone tem nung aliba ama 3.5mm lir, aser iba den külemi USB Type-C port keta lir.
Samsung Galaxy S8 nung display tasazük ana lir, ka 5.7-inch aser tanabuba 6.2-inch. Maneni iba phone nung Snapdragon 835 processor, 4GB RAM, 64GB storage aser 12MP rear camera densema lir.
Iba phone jenjang $849 asütsü imlar, koba India nunger sen agi melenra sen 59,430 asütsü, anungji Samsung Galaxy S8 India nung sayadang jenjang ishiba agi sen 60,000 asütsü, saka tayokdangbo sen 64,999 asütsü.
Samsung Galaxy S8 India-i 2017 May ita tashi nungbo arutsü imlar.